Atë Flavio Cavallini, OFM, lindi në Verona, Itali, më 12 gusht 1957. Veshi zhgunin françeskan më 09 shtator 1977. Kushtet e para rregulltare i bëri më 17 shtator 1978, kurse ato të përjetshmet më 11 tetor 1981. Pas studimeve filozofike dhe teologjike u shugurua meshtar më 16 qershor 1984. Pas dy vitesh vazhdoi studimet pranë Studium Biblicum Franciscanum në Jerusalem, duke marrë Laurea magjistralis në Teologjinë Biblike në 1988-ën.
I dërguar në Shqipëri në 1993-shin, udhëhoqi për tre mandate Provincën Françeskane Shqiptare. Prej vitit 1994 ka dhënë kurse mbi Shkrimin e Shenjtë në Institutin Filozofik-Teologjik të Shkodrës.
U zgjodh provinciali i parë i Provincës Françeskane “Zoja Nunciatë” pas komunizmit në vitin 1995. Në këtë detyrë shërbeu deri në vitin 2004. Më pas ishte guardian dhe famullitar në Kishën e Zojës Nunciatë në Lezhë.
Nga viti 2015 jeton në Kuvendin Françeskan të Tiranës dhe i përkushtohet formimit biblik të laikëve dhe katekistëve. Përveç disa komentarëve biblikë, ka publikuar artikuj dhe studime mbi arkeologjinë e krishterë shqiptare dhe praninë e françeskanëve në Shqipëri. Prej fillimit të marsit të po atij viti shërben si famullitar pranë Kishës së Shën Antonit në Tiranë.
Më datën 25 prill 2026, ditën e Shën Markut, u emërua administrator apostolik i Administraturës së Jugut të Shqipërisë
